Мөрдөн байцаах албаны алба хаагчдын бие бялдрын бэлтгэлжилтийг тодорхой түвшинд байлгах, биеийн зохист харьцааг хадгалах бодит түвшинг тогтоох, Цагдаагийн ерөнхий газрын даргын 2017 оны А/248 дугаартай тушаалаар батлагдсан Цагдаагийн байгууллагын үйл ажиллагааны журам /код-948/ “Алба хаагчийг мэргэжлийн зэргийн шалгалтад хамруулах, шалгалт авах”-д заасан үйл ажиллагааг хэрэгжүүлэх чиглэлээр Мөрдөн байцаах албаны даргын 2019 оны 09 дүгээр сарын 16-ны өдөр баталсан “Мөрдөн байцаах албаны төвийн хэлтсүүдийн алба хаагчдын бие бялдрын бэлтгэлжилтийн норматив шалгалт”-ыг авах удирдамжийн дагуу тус албаны алба хаагчдаас норматив шалгалтыг 2019 оны 09 дүгээр сарын 18-ны өдрийн өглөөний 07:00 цагт Баянзүрх дүүргийн 26 дугаар хороо Үндэсний соёл амралтын хүрээлэнгийн талбайд мөн Мөрдөн байцаах албаны 9 дүгээр давхарт байрлах спортын танхимд тус тус зохион байгуулж авсан.

        Тус албаны төвийн хэлтсүүдийн алба хаагчдыг Баянзүрх дүүргийн 26 дугаар хороонд байрлах “Үндэсний цэцэрлэгт хүрээлэн”-д өглөөний 07:00 цагт бэлэн цуглуулж ЦБҮАЖурам /код-948/-ын 948.6.4-д зааснаар нас, насны ангиллын шалгуур үзүүлэлтийн дагуу нийт 62 алба хаагч  100 м гүйх /хурд/, 1000 м гүйх /тэсвэр/,Гар дээр суниах /хүч/  , Гэдэс таталт /хүч/, Сууж босох 1 минут /авхаалж самбаа/ зэрэг төрлөөр хамрагдлаа.