Хичээлийн шиэн жил эхэлж, нийслэлд хөл хөдөлгөөн нэмэгдсэн байгаа эл өдрүүдэд халаасны хулгайн болон дээрмийн гэмт хэрэг ихэсч байна. Ялангуяа шинээр оюутан болж буй  хүүхдүүд, мөн хүүхдүүдээ авч ирсэн ар гэрийнхэн нь хайхрамжгүй хэнэггүй байдлаасаа болж хулгайчид эд зүйлсээ алдах, дээрмийн  гэмт хэргийн хохирогч болох тохиолдол цагдаагийн байгууллагад цөөнгүй бүртгэгдээд байна.Иймд  оюутан сурагч, эцэг эхчүүд та бүхэн олон нийтийн газраар явахдаа өөрийн эд зүйлсдээ сонор сэрэмжтэй, анхаарал болгоомжтой хандаж, хулгайч нарт боломж олгохгүй байхыг цагдаагийн байгууллагаас анхааруулж байна.